სასწავლო პროექტი

სასწავლო პროექტი

სახელწოდება  - ქრისტიანული ხელოვნება

პროექტის მთავარი იდეა -  მოსწავლეები იცნობენ შუა საუკუნეების ხელოვნებას, იციან როდის შემოვიდა ქრისტიანობა, რა გავლენა იქონია ხელოვნებაზე.

პროექტის აქტუალობა/მნიშვნელობა:

პროექტის განხორციელების შემდეგ მოსწავლეები შეძლებენ :

. ქრისტიანული ხელოვნების ნიმუშები (ტაძარი, ფრესკები, ხატები  და სხვ.)

. განასხვაონ ქრისტიანული ტაძრების ტიპები.

. ნახატისგან განასხვაონ ფრესკები, ხატები.

. ამოიცნონ მშობლიური ქვეყნის ქრისტიანული კულტურის ძეგლები.

 პროექტის მიზნები - მოსწავლეები უკეთ გაეცნონ მსოფლიოსა და მშობლიური  ქვეყნის კულტურულ მემკვიდრეობას. იცოდნენ რა გავლენა იქონია ხელოვნების განვითარებაზე ქრისტიანობამ.

მოსწავლეთა ასაკი -  12-13 წელი. VIII კლასი

ვადების ხანგრძლივობა - 2 კვირა

მოსალოდნელი შედეგები/ რა შეიძლება შეიქმნას - მოვამზადებთ ელექტრონულ პრეზენტაციას და ჯვარ-გუმბათოვანი ტაძრის მაკეტს.

პროექტისათვის საჭირო ძირითადი რესურსები - ინტერნეტი, კომპიუტერი, პროექტორი, სახელმძღვანელო, რეპროდუქციები, მუყაო.

პროექტის მსვლელობა - ძირითადი აქტივობები

აქტივობა 1- საპროექტო თემის შერჩევა, ჯგუფის შერჩევა და ვადების განაწილება, შესაბამისი კითხვების ჩამოყალიბება;

ა) გაიხსენონ როდის გავრცელდა ქრისტიანობა;

ბ) რა იციან ქრისტიანული ხელოვნების ძეგლების ( ტაძრების, ფრესკების, ხატების) შესახებ;

გ) კიდევ რა ნიმუშები იციან ქრისტიანული კულტურის;

აქტივობა 2 - ჩამოვაყალიბებ საპროექტო ჯგუფს. შეიმუშავებენ გეგმას, გაანაწილებენ დროს.

აქტივობა 3 - ერთად განიხილავენ მათ მიერ ინდივიდუალურად მოპოვებულ მასალას, აირჩევენ საჭირო ინფორმაციებს, ფოტოებს, რეპროდუქციებს და სხვა საჭირო ნიმუშებს.

აქტივობა 4 - ნამუშევარს წარმოადგენენ ელექტრონული პრეზენტაციის სახით. მოამზადებენ მცირე მოხსენებებს და დაამზადებენ ტაძრის მაკეტს.

მასწავლებელი თვალყურს ადევნებს ჩართულობას, ინტერესს, თანამშრომლობას.

აქტივობა 5 - პროექტის პრეზენტაცია

მსმენელთა წინაშე წარმოადგენენ ფოტო აუდიო და ვიდეო მასალას შესაბამისი კომენტარით (მცირე მოხსენების სახით)

აქტივობა 6 - შეფასება

მასწავლებელი აფასებს შეფასების სქემით, მოსწავლეები- ანგარიშის სახით.

კითხვები: 1 რამ გამოიწვია ყველაზე მეტი ინტერესი.

2 რას შეცვლიდით, დაამატებდით  შემდეგში

შეფასების რუბრიკა

კრიტერიუმი	დაბალი	საშუალო	კარგი	მაღალი
მსჯელობა	ვერ მსჯელობს პროექტთან დაკავშირებით	მსჯელობს მაგრამ ვერ ახდენს აუდიტორიის დაინტერესებას	მსჯელობს საინტერესოდ	მსჯელობს გარკვევით და დამაჯერებლად იწვევს საყოველთაო ინტერესს
ჯგუფური თანამშრომლობა	არ თანამშრომლობს ჯგუფთან	ნაწილობრივ თანამშრომლობს ჯგუფის წევრებთან	ჯგუფის წევრებთან აქვს კარგი ურთიერთობა	აქტიურად თანამშრომლობს ჯგუფის ყველა წევრთან
ინფორმაციის მოძიება	ვერ ახერხებს ინფორმაციის მოძიებას	არ ახდენს მასალის მოძიებას	ინფორმაციას მოიძიებს სრულად	სწრაფად და ორგანიზებულად ახდენს ინფორმაციის მოძიებას

 საგნებთან / საგნობრივ ჯგუფებთან / სგ-სთან კავშირი

ხელოვნება ს.გ.VIII.1.       მოსწავლეს შეუძლია შემოქმედებითად გამოიყენოს სახვითი  ხელოვნების ელემენტებისა და პრინციპების ცოდნა კონკრეტული პრობლემის გადასაჭრელად ნამუშევრის შექმნისას. 

შედეგი თვალსაჩინოა, თუ მოსწავლე:

·           იყენებს ფერის  გრადაციას, სხვადასხვა ტონალობას ნამუშევარში  მოცულობის, სივრცის გადმოსაცემად;

·           ქმნის დეკორატიულ ნამუშევარს გრაფიკული ხერხებით (მაგ. კონტურით, ხაზით, შტრიხით);

·           ქმნის სტილიზებულ მხატვრულ სახეებს;

·           მიზანმიმართულად იყენებს კონტრასტულ და მონათესავე  ფერებს;

·           იყენებს ეფექტებს  ასოციაციებისა და გრძნობების გადმოსაცემად.

ს.გ.VIII.6.   მოსწავლეს შეუძლია მიმართოს ინდივიდუალური და ჯგუფური მუშაობის სხვადასხვა სტრატეგიას.

შედეგი თვალსაჩინოა, თუ მოსწავლე:

·           მოიძიებს და აზუსტებს ინფორმაციას მომავალი პროექტის დასაგეგმად;

·           ანაწილებს გუნდში სამუშაოს/ფუნქციებს/მოვალეობებს;

·           ითვალისწინებს და იყენებს გუნდელის/ების შესაძლებლობებს (პოტენციალს);

·           ეხმარება კლასელებს შემოქმედებითი და საორგანიზაციო  სიძნელეების გადალახვაში;

·           ეხმარება სხვებს კონკრეტული ამოცანის შესრულებაში და საჭიროების შემთხვევაში მათგან ითხოვს დახმარებას.

პროექტის ხელმძღვანელი:  ფატიმა სიორიძე

ხელმძღვანელის ელ. ფოსტა: fatisioridze@gmail.com